Ai-mahon no Ekolojia Kafé Arábika

Livru ida-ne’e hanesan mata dalan balun ba Maluk Agrikultor kafé arábika no
Estudantes hodi kuda no hamoris nafatin ai-mahon ba kafé. Ai mahon nebe diak
bele kria ekosistema ida ne’ebé saudável no sustentável, ai-hun mos fó protesaun
ba kafé husi loron-manas ne’ebé maka’as, anin no peste sira.
Livru ne’e mos diskute benefísiu oioin husi ai-mahon hanesan:
– Hadia Kualidade Kafé: Ai-mahon ajuda kria ambiente ne’ebé di’ak ba
dezenvolvimentu kafé arábika, hodi prodús kafé ne’ebé kualidade aas ho gostu
no aroma ne’ebé kle’an liu.
– Protéje Biodiversidade: Ai-mahon kria abitat ba manu-fuik, insetu no animál
seluk tan, hodi hasa’e biodiversidade iha kafé laran.
– Prevene Erozaun Rai: Ai-hun sira-nia abut ajuda kaer metin rai no prevene
erozaun, liuliu iha área foho ne’ebé lolon.
– Hasa’e Rai nia Produtividade: Ai-tahan ne’ebé monu husi ai-mahon sira sai
adubu naturál (organiku), hodi hasa’e fali rai nia bokur.
– Hamenus Uza Pestisida: Ai-mahon bele ajuda hamenus uza pestisida tanba kria
fatin ba predadór naturál sira ne’ebé han peste kafé nian

Hakerek Nain
Ramalhino Lelod da Cruz